1015
700 DE SECRETIS
terminis foramiorum puncta tenuissima signa¬
bis eo vsque quo literae pertingant, quas scribere
desideras: tum tertiam membranam accipe, epi¬
stolamque continuis verbis decenti spaciorum
ordine, ac magnitudine, tum etiam litera¬
rum, sic vt prima sententia ac verba illius in¬
ter punctorum terminos contineantur. Ergo
fuci suspicio tunc nulla manet, alter cùm recipit
superposito exemplari sententiam animi tui illi¬
co intelligit. Nec huic rei tametsi laboris haud le¬
uis sit, aliquid ad significandam sententiam peri¬
culosis temporibus amicis suis par inueniri po¬
test. Tertia occultandi ratio fit, cum literae alu¬
mine scribuntur: latent enim: immersae aqua le¬
guntur, quia aqua membranam reddit obscurio¬
rem, in qua candicat alumen. Quae verò sale
ammoniaco, apparent dum igni exponuntur. Ita
alij limonij, alij ceparum succo scribunt, quae
omnes ignibus expositae legi possunt, secus deli¬
tescunt. Sed opus est haud mediocri diligentia.
Ex Cardano de Subtilitate.
Literas lumine interposito legere.
Haec est scribendi inopinabilis latebra, nec vt
caeterę leuiter igni detegitur: Si colore corporeo
albo scriptitaueris, vti cerussa liquido immixta
gummi, vel consimili sit chartae concolor, neue¬
aliquid sit discerniculi, vel coniectari possit, tunc
oculo, & lumini interiecta sideris vel candelae,
vbi descriptae fuerint literae, ocularibus radijs
penetrari non sinunt, sic obscuriusculae conspi¬
ciuntur. Porta.
Literae