1015
LIBER XVI. 927
Et tunc diuersos flores ortusque recentes
Inueniet, properetque sibi decerpere eosdem:
Cumque domi fuerit caueat, ne ponat in vnum
Ilos, sed faciat quod talis quis sibi quaerit:
Dum super aequalem petram contriueris istos
Flores, in coctum pariter tum contere gypsum:
Sic tibi siccatos poteris seruare colores.
Ex quibus in viridem si vis mutare, recentem
Quod tibi mandaui, veluti prius ipse probaui.
Marcellus Palingenius.
Modus pingendi vasa, & vitra eiusdem.
Quos artifices qui sculpere vultis honestè
Vitrum nunc pandam vobis velut ipse probaui.
Vermes quaesiui pingues, quos vertit aratrum
Ex terra, atque simul me quaerere iussit acetum
Vtilis ars, istis rebus calidum atque cruorem
Ex hirco ingenti quem solito tempore paruo
Ex hedera forti paui tecto religatum:
Sanguine cum calido post haec vermes & acetum
Infudi, ac totam phialam clarè renitentem
Vnxi, quo facto tentaui sculpere vitrum
Cum duro lapide Smerilli nomine dicto.
Ad vasa fictilia depingenda, eiusdem.
De vitro si quis depingere vascula quaerit,
Vitrum Romanum benè marmore conterat, & cùm
Vt puluis fuerit, clara pinguedine gummi
Fontis aqua mista, figulorum vascula pingat.
Siccaque fornaci mandes sit term probata
Quae valeat flammis obstare, nitentia tandem
Regibus apta satis ex furno vasculo tollet.
Eligat ipse duas rufo de marmore petras