1343
322 ROSARIVM
Biß ich zum andern mahl ward geboren.
Da gewan ich aller wurtz vund kreitter Krafft /
Jnn aller kranckheyt ward ich sigkhafft.
Meines Sones nam ich da war /
Vnd am mit ihm selb ander dar.
Da ich seiner wardt schwanger /
Vnd gebäret uff ein vnfruchtbarn anger.
Ich wardt Mutter / vnd bleib doch Magt /
Vnd wardt in ineinem wesen angelagt.
Daß mein Son mein vatter wardt/
Wie das Gott geschickt hat wesentlicher arth.
Die Mutter die mich hat gebäret /
Durch mich ward sie geborn auff erdt.
Eins zubetrachten / natürlichen verbunden /
Das hat das gebirg meisterlich verschlunden.
Darauß kommen vier inn ein /
Inn vnserm meisterlichen stein.
Vnnd Sechs / inn dreifalt bedacht /
Vnnd inn ein wesentlich arth gebracht.
Wer das bedencken kan eßen /
Dem ist von Gott der gewalt gegeben.
Daß er alle kranckheyt thut verdreiben /
An metallen / vnd menschen leiben.
On gottes hülff das niemand mag Bawen /
Dann der sich selbs kan durch schawen.
Auß meiner erd entspringt ein brun /
Darauß rinnen zween straum.
Der ein fleust gen Orient /
Vnd der ander gen Occident.
Darauß zwen Adler fligen vnd verbrennen ir gefider /
Vnd fallenbloß in die erd nider.
Vnd werden hinwider gefidert schon /
Ihm sein vnderthenig Son vnd Mon.
O Herze