1015
688 DE SECRETIS
manere illaesum. Incipit autem occidere Lyra ad
decimum Calendas decembres. Perfectè quidem
occidit prima Nonarum Februarij, id est ipso No¬
narum die. Atque haec quidem à veteribus tradi¬
ta sunt. Ego verò quaedam ex relatis valdè inde¬
cora esse opinor & vitanda, omnesque moneo ta¬
libus, vt nequaquam animum aduertant. Quin &
equi fluuiatilis pellis segmenta ad singulos termi¬
nos posita, grandinis minas cohibent, ac sistunt.
Philostratus.
Aduersus fulmen. CAP. X.
Hippopotami pellem intra regionem defodi¬
to, & eo loci fulmen non cadet. Idem.
Aduersus tempestates. CAP. XI.
In Apennino Italiae intra Bononiam & Pisas,
exorta tempestate, mulieres foras procurrunt, eam
eleuatis manibus consignantes caseo in die ascen¬
sionis Domini presso, decussatimque signato, cru¬
cis figura impresso fune, atque ita se fore illaesas
arbitrabantur. Eodem in Apennino ouum in a¬
scensionis festo exclusum adseruant, summoque
illigant tecto, atque hoc modo istas aedes à tempe¬
statis iniuria tutas fore existimant. Alij strata men¬
sa in medio cubiculi, imponunt inter duas cereas
ardentes ceraunium lapidem ([G]ein donner beitel[/G])
is tum sudat, quod ipsis videtur miraculum: cùm
tamen non minus natura id fiat, quàm vitrearum
fenestrarum sudatio, aut tum temporis, aut in hy¬
pocausto calente. Caeterùm tempestates agris non
nocebunt, si corallij triti in quatuor agri angulis
praecipuis spargantur. Vuierus, & Fallopius.
Aduersus