1015
LIBER XIIII. 703
qua vt vix scripta exempla vestigium nigredi¬
nis appareat: qua siccata, super eadem verba,
ijsdemque lituris alia, ex carbone salicis, & aqua
pluuia spissata scribitur, quae verum atramen¬
tum refert. Vbi siccata fuerit transmissaque, li¬
beatque legere, galla aquae incoquitur, imposita¬
que spongia ac expressa mediocriter detergitur
epistola nuper conscripta, quod carbo nec lachry¬
ma nec galla adhęreat, reliqua prior emergit cum
gallae colore, & tenacitate affigatur chartae &
obumbretur. Cardanus.
Literas confestim loco quouis emergentes.
Literas confestim loco quouis emergentes ni¬
gras e coloratas efficies, si aceto, vel vrina, clan¬
culum in manibus, vel alibi literas exarabis, cum
exiccata fuerint, nec vestigia apparent, & vis
elucescat: fuligine, vel colore, quem vbertim in¬
fectoriae dant officinae, extricato, & nigricabunt
valdè, si easdem albas quaesieris charta, ficulneo
lacte delineato, & exiccatas carbonis polline in¬
sparso confricato, & detergito. Porta.
Literae quae igne, vel aqua visibiles
redduntur.
At reddere literas igne, vel aqua visibiles
sic possumus, & literas in carminum interca¬
pedinibus, & syllabarum coagmentis, & distan¬
tijs protrahere: Contineat epistola inane quip¬
piam, vt inconditè putet positas, & interceptae,
aut nihil omnino, aut aegerrimè sentient. Si
citrij, medici mali, cepae, & omnium ferè a¬
crium succo descripseris, si igni inferuescit,