1015
LIBER XIIII. 707
Literae in lapidibus quomodo inscribantur.
Si in silicem nullo compendio aliquid inscri¬
bere velis: oblito totum cera, inde inscribito
quod lubet, cera tamen exactè derasa, vbi literae
sunt, vt nudus silex appareat: post merge lapidem
in aceto acerrimo per septem horas, & exime: at
si pluribus horis immersus maneat, citius cru¬
sta excidet. Contingit enim fermè, quod in hu¬
manis corporibus, cum escharotica vocata me¬
dicamenta applicantur: supplet in aceto vim po¬
tentioris medicamenti mora, & multitudo
aceti, cùm mergatur. Siccat enim & penetrat,
vnde lapidem comminui necesse est. Palàm
autem est, & hoc ad alios lapides traduci posse,
qui non sint multò duriores. Cardanus.
Ad literas obliterandas.
Literas sic facilè obliterabis ac delebis. Acci¬
pè carnem leporinam, sicca, tere in puluerem,
& viuae calci misce, ac literis superpone, vel illi¬
ne, & infra triduum nullum comparebit illarum
vestigium. Ex vetustissimo quodam exemplari.
Mizaldus.
Epistolae quomodo concludantur, vt aperiri clan¬
culum nequeant.
Epistolarum vsus, & ratio obsignandi tam
vtilis est, quàm etiam necessaria. Si igitur ad¬
sit sigillum, antequam cera imponatur, charta
sub eo in capillamenta diuaricanda est, si id fe¬
ceris, inde cera tolli non potest vlla arte; quin
Y 2