1015
774 DE SECRETIS
verbo accinctus, atque diuina panoplia circum¬
quaque munitus, assumpto super omnia fidei
scuto, quo omnia iacula mali illius ignita queat
extinguere, ne cum discipulis Christi Daemo¬
nium fugare nequeuntibus à Christo audiat: O
natio incredula, & distorta, quò vsque tandem
ero vobiscum? quò vsque patiar vos? firmiter
hinc infallibili nitatur promissioni: Amen dico
vobis, qui credit in me, opera quae ego facio, &
ipse faciet, & maiora horum faciet, quia ego ad
Patrem vado. Et, Quodcumque petieritis Pa¬
trem in nomine meo, hoc faciam, vt glorifice¬
tur Pater per filium. Si quid petieritis per no¬
men meum, ego faciam. Scribit item Lucas, sep¬
ruaginta reuersos ad Christum cum gaudio di¬
scipulos, dicentes: Domine etiam Daemonia
subijciuntur nobis per nomen tuum. Ait autem
illis: Videbam Satanam sicut fulgur de coelo
cadentem. Ecce do vobis potestatem calcandi
super serpentes, & scorpiones, & super om¬
nem virtutem inimici, & nihil vobis nocebit.
Ita in Christi nomine flectuntur genua coelestium.
terrestrium, & inferorum. Nec aliud nomen sub
coelo datum est hominibus, in quo oporteat
nos saluos fieri. Solo hoc Patris aeterni verbo
creata sunt coelum & terra, & quicquid in eis
consistit. Eius nutu in praecipitium ruit illa im¬
mensa Angelorum caterua. Ad Christi aduen¬
tum imperiumque horruerunt, & profugerunt,
quotquot arctissimo vinculo in sua custodia mi¬
seros mortales constrinxerant diaboli. In hoc
nomine credentes discipuli Daemonia extur¬
barunt. Pythonis spiritum in Macedonia, ex
puella