1015
784 DE SECRETIS
Quibus verbis stupor, ac taciturnitas in tormen¬
tis, & quaestionibus induci creditur, & solui.
CAP. XXIII.
Inueniuntur, qui cùm scelus aliquod capitale
admiserint, vel antequam subijciantur quęstioni,
vel interea dum torquentur, quorundam aut scri¬
ptura, aut prolatione verborum consequi sibi vi¬
dentur, vt & tacere possint, & nihil omnino sen¬
tire. Id quod tam firmiter sibi persuasum habent,
vt fuerint qui hac fiducia vltro se tum carceri, tum
quaestioni obtulerint. A diabolo enim, cuius in¬
terest scelera non puniri. sed indies accumulari,
confirmantur in malo, nec solum organis vocis
obstructis impediuntur, ne loqui possint, verum
graui etiam somno opprimuntur, vt nec audiant
interrogata, nec tormenta sentiant. Interim tamen
his illi penduli verbis ac versibus, sanè per quam
[GR]άπατησι[/GR] vtuntur.
"Imparibus meritis tria pendet corpora ramis.
Dismas & Gestas, in medio est Diuina potestas.
Dismas damnatur, Gestas ad arstra leuatur."
Sunt qui verba Prophetae ructent: Eructauit
cor meum verbum bonum, veritatem nunquam
dicam regi. Alij autem hac prece se muniunt:
Quemadmodum lac beatae gloriosae Marię virgi¬
nis fuit dulce, & suaue Domino nostro IESV
Christo, ita haec tortura, siue chorda sit dulcis &
suauis brachijs, & membris meis. Alij verò saltem
haec proferunt: IESVS autem transiens per me¬
dium