1015
LIBER XV. 783
Salis ammoniaci vncias duas, salis Capadoces,
cornu ceruini, lapidis gagatis masculi, lapidis
gagatis foeminę an. vncias tres, lapidis haematitis,
lapidis sideritis, lapidis argeritis an. vnc. vnam,
equuleas, id est caballiones marionos, caudas
marinas, vngues marinos an. N. vij. vuae mari¬
nae vncias tres, medullae ceruinae, cedrei, picis
liquidae, an. pondera tria. ossa sepiae N. vij. au¬
ri semiunciam, ballucae siliquam. Haec vniuer¬
sa commisceantur, & succendantur. Sed si me¬
moratos lapides aut inuenire nequiueris, aut
enormitate pretij ab emptione cessaueris, reli¬
qua efficaciter prosunt. Interea tamen studiose
inquirendum, num aliquid monstri alatur, aut
fucus alicubi foueatur: quemadmodum à quo¬
dam Latamo apud Batauos factum memini, qui
stabula ingressus, lupi stercus clam in praesepi¬
bus abscondebat: cuius odore, vt voracis sui
hostis praesentia, ob antipathiam, veluti ma¬
lefico actu territae pecudes, vltro citroque exul¬
tare, & insolito concitari furore videbantur, vn¬
de turbati rustici incantamentum esse conijce¬
rent. Quocirca ad fabulae actorem, velut è spe¬
cula haec obseruantem, atque sanandi maleficij
nomine celebrem concurrebatur: qui testa fa¬
scini materia, lupi nimirum excremento, oc¬
cultè ablata, ocyus malum amoliebatur. Sub¬
lata enim causa, tollitur effectus. Sic rem qua¬
lemcunque ex hac professione faciebat: à vi¬
ris tamen bonis admonebatur, vt maturè eius¬
modi falsitati renunciaret, ne merita fal¬
sarium consequeretur punitio.
loan. Vuierus.