1015
LIBER XV. 787
conualuit, adeo quod necesse mihi fuit eo instan¬
te, ab inquisitione eundem absoluere. Similis
casus occurrit Hippolyto de Marsilijs, dum erat
officialis ducis Mediosani. Iterum ait Grillandus,
nec dum est annus elapsus, quòd audiui alium Romae
positum ad torturam, & repetitis vicib. grauiter
cruciatum, qui verba de lacte Mariae virginis sub¬
missa voce proferebat, & nullum dolorem pati,
sed cuncta spernere videbatur: & dormiebat si¬
cut alius in tortura, adeò quòd à tribus iudicibus
praesente procuratore fiscali examinatus, nulla
vnquam ab eo confessio extorqueri potuit, licet
correus, & criminis socius id fateretur expressè,
& illum in socium nominaret: cuius processum
vidi, illumque cognoui. Aliud exemplum quod
similiter in facto accidit mihi Romae cuiusdam ma¬
leficae mulieris, quae antequam eleuaretur in tor¬
tura verba quaedam submissa voce dicebat: dein¬
de eleuata silebat penitus, veluti mortua, & ni¬
grior apparebat in vultu carbone extincto, ocu¬
los extra caput valdè tremendos more illorum,
qui strangulantur emittens, & nihil penitus lo¬
quebatur, neque boni, neque mali. Vltima autem
haec historiola minimè nostro obstat instituto.
Nam si ex lamijs nostris illa fuit malefica, quid
mirum si diabolus linguam ei faucesque praelu¬
serit? ne scilicet illa suam innocentiam probaret,
& daemonis ludibria detegeret. Superioribus ve¬
rò exemplis simile nuper habuimus Antuerpiae,
in carnifice eius vrbis, natione Gallo: quem
quum innumera, eaque notiora flagitia com¬
misisse nemo non sciret, adigere tamen nul¬
lum tormentorum genus, quamuis immane,
Dd 2