1015
LIBER XVI. 865
nus, sic vt saliti non sint, nec insipidi, folijsque lau¬
ri & myrthi interpositis, postquam paululum
siccati fuerint, in cista collocabis. Idem.
Vt bonum sinapi paretur.
Extemporaneum & generosum sinapi condi¬
mentum, vbicunque locorum fueris, sic tibi com¬
parabis. Habe vncias duas seminis sinapi, cum se¬
miuncia vulgaris cinamomi, quod officinae can¬
nellam vocant. Vtrumque in pollinem detritum,
& sufficienti aceto ac melle exceptum, in massam
seu pastam coge, & ex ea pastillos vel sphaerulas
finge, & sole, calenteue clibano desiccari permit¬
te. Vbi vsus exiget, globulum vnum ex vino aut
aceto, vel alio liquore dilue, ac dissolue, & habe¬
bis sinapismum paratu facilem, palato delecta¬
bilem, ac stomacho admodum vtilem. Mizaldus.
Vt brassica non coquatur.
Rectè mihi scripsisse videtur Paxamus ex Grae¬
cis geoponicis vnus, quod si feruescenti & ebul¬
lienti brassicae paululum vini quis instillauerit,
non amplius coquetur: Sed suis viribus defun¬
cta, mutato colore corrumpetur. Idem.
Vt olla nunquam bulliat.
Scutum seu operculum testudinis foeminae su¬
per olla positum, facit vt illa nunquam ebulliat.
Idem.
De arte pharmacopolarum.
CAP. IIII.
Oliuae vt celerrimo condiantur. Oliuas virides