1015
LIBER XVII. 959
tulae pondere non cadet. Oportet autem (ne te¬
cum risu astantium fallat experimentum: nam
rudes vbi res non succedit, non hominem sed de¬
monstrationes culpant) vt diligentissimus sis:
primùm vt abaci superficies superior sit ad libellam
posita, & lignum rectum adunguem, nec flexile:
& similiter lignum E F rectum, & arctè iunctum
inter situlę imum & C E ita quòd faciat haerere fir¬
miter lignum C E manubrio D. Et quod F pun¬
ctus sit centrum grauitatis, & situla rotunda. Mul¬
ti legent haec, sed pauci intelligent. Plura enim in¬
telligere oportet, quàm quae scripta sint. cùm ta¬
men ad perfectionem nihil desit. Cardanus
An mulier sit adultera.
Dicunt. quòd si quis ponit adamantem capiti
mulieris dormientis, manifestat si est adultera:
quoniam si sic est, resilit territa de lecto: & si non,
amplectitur virum suum cum grandi dilectione.
Albertus.
Trabes mutuo se sustinentes.
Quaedam etiam spontè videntur sustineri, ac
etiam alia sustinent nullo vinculo: vt, capio A B
trabem, cui superpono C D. Ipsi C D superpo¬
no E F cadat sub A B, tunc dico, quòd nisi sol¬
uantur, cadere non possunt: nam A B sustine¬
tur ab F G, & E F, a C D, & C D sustinetur
ab A B, igitur nulla earum cadet. Locus autem
B D F sustinetur, & sustinet experimento enim
id patet, igitur ab aliquo sustinetur, igitur ab