1015
LIBER XV. 767
bylonis esse fugiendum? Quod praeceptum Pro¬
pheticum ita spiritualiter intelligitur, vt de huius
speculi ciuitate, quae profectò & Angelorum, &
hominum societas impiorum est, fidei passibus, quae
per dilectionem operatur, in Deum viuum profi¬
ciendo fugiamus. Quanto quippe in haec ima po¬
testatem Daemonum maiorem videmus, tanto te¬
nacius mediatori est inhaerendum, per quem de
imis ad summa conscendimus. Hactenus ille. Cy¬
prianus ad Fortunatum, de exhortatione mar¬
tyrij: Aduersarius, inquit, vetus est, & hostis anti¬
quus, cum quo praelium gerimus. Sex mille an¬
norum plenè complentur, ex quo hominem dia¬
bolus impugnat. Omnia iam genera tentandi, &
artes atque insidias deijciendi vsu ipso vetustatis
edidicit. Si imparatum Christi militem inuenerit
si rudem, si non solicitum, ac toto corde vigilan¬
tem. circumuenit nescium, fallit incautum, decipit
imperitum. Si quis verò Dominica praecepta cu¬
stodiens, & fortiter Christo adhaerens, contra
eum steterit, vincatur nececesse est: quia Chri¬
stus, quem confitetur, inuictus est. Huic funda¬
mento firmiter insistentes tantum abest, vt vn¬
quam ratione, Satanae artibus, siue astutijs à vera
in Deum viuentem fiducia dimoueri possint, vt
etiam varijs, ac multiplicibus illius conatibus, &
insuitibus impetiti, exercitati, ac velut aurum in
fornace examinati, indies seipsis sanctiores, iu¬
stioresque euadant. Quare Daemonibus imbecil¬
litatem in eos, quos Diuina non destituisset gra¬
tia, exprobrare solet D. Antonius, in assiduis suis
aduersus illos luctis: & eos expauescere verè
credentes, asserit Petrus apud Clementem. Item