1015
772 DE SECRETIS
Altera quoque iam diu à Daemonio excruciata,
& morti proxima, se totam attenta oratione Deo
offerebat, vt cum ea pro suo arbitrio quicquid
vellet, in tempore, & in aeternum ageret, dum¬
modo ipsius glorificaretur nomen, obsecrans:
rogabatque reliquas virgines, vt post eius mor¬
tem, non ex more, Miserere mei Deus, cane¬
rent: sed, Gloria patri. Memorabile abnegatio¬
nis verae exemplum. Vuierus.
In concubitus maleficio quid faciendum.
CAP. XVIII.
De naturalis congressus, Satanae opera prae¬
pediti, curatione ita scribit Igmarus Remensis
Archiopiscopus: Si per sortiarias atque malefi¬
cas artes oculto, sed nunquam Dei iniusto iu¬
dicio permittente, & diabolo praeparante, com¬
cubitus non sequitur: hortandi sunt, quibus ista
eueniunt, vt corde contrito, & spiritu humili¬
tatis, Deo & Sacerdoti purè confitantur etc.
In controuersia, vbi maritus ad congressum
ineptus esse ex maleficio accusaretur, in foro
Constantiensi decretum fuisse scribit Vlricus
Molitor, vt primum à Medicis ille, quem leges
dicunt maleficiatum vel frigidum, inspiceretur,
nun alia illius impotentiae naturalis foueretur
causa: deinde vt triennium adhuc vxor cum
marito conuiueret, qui suas interea temporis
experiretur vires: vtque eleemosynas liberalius
erogarent, & ieiunijs vacarent, quo matrimonij
institutor Deus eiusmodi malum amoliri digna¬
retur.