1015
LIBER XVI. 895
prius in formas varias, vt videbitur, elabora, per
noctem vnam posita, sinantur: atque ita veros
smaragdos colore imitabuntur. Quòd si in supra
dicta aqua, argentum aeris loco, dissolutum fuerit,
tanto melius erit. Idem.
Ad ossa, rubro, coeruleo, vel alijs colori¬
bus tingenda.
Primò ossa in aqua aluminis, vt suprà dictum,
cocta esse oportet: deinde aqua calcis, vel vrina
in promptu existat, in quibus ponatur verzinum,
vel rubrica, vel coeruleum, vel alius color, vnà
cum ossibus, & coquantur bene, & sic habebis
ossa. quo volueris colore tincta. Idem.
Pulcherrimum, ad ligna tingenda. Variè, quibus su¬
bri lignarij vtuntur. ad mensas conficiendas, varijs tessel¬
lis, & figuris insignes.
Manè sumito stercoris equini recentis, & ad¬
huc humidi cum stramine, quantum satis est, su¬
pra quod ligna aliqua transuersa collocentur, cui
subijcito vas aliquod, liquorem recipiens. Quòd
si vno die tantum quantum satis est, extrahi non
possit, altero, & tertio. & quarto die colligas, do¬
nec satis esse videatur: deinde coletur, addaturque
in singulas mensuras eius liquoris, aluminis, &
gummi Arabici, singulorum fabae instar. In eo li¬
quore, quos voles colores, temperabis, variaque
vasa facies, si varios colores habere velis. His com¬
paratis, frusta lignorum in vasis, vt lubet, condes.
eaque ad solem vel ignem pones: post vbi vti vo¬
les, frusta aliqua extrahito, reliqua sinito. Nam