1343
DE TRANSM. METAL. 43
ex re vna, & via vna constat. Eius namque
vna dispositio talis est, qualis & altera. Rex
Calid. Quaenam est igitur illa dispositio, qua
paulò antè dixisti totum posse perfici magi¬
sterium? Morienus. O rex bone, Deus ad
melius te conuertat. Haec est illa dispositio,
quae scilicet manibus perfici non potest. De
illius namque difficultate, quamplures sa¬
pientes conquęsti sunt. Dixerunt namque:
Si quis sua eruditione & labore dispositionem
hanc inuenerit, facilè totum magisterium e¬
ius scientia perficiet. Qui verò illam eius la¬
bore & eruditione non inuenerit, totum ma¬
gisterium latebit. Rex Calid. Quaenam est
igitur hęc admirabilis dispositio? Morienus.
Si sapientum dicta diligenter inspexeris, faci¬
lè illam scire poteris: de ipsa namque dixerunt.
Haec namque dispositio est naturarum muta¬
tio: & earum naturarum calidi & humidi, cum
frigido & sicco subtili dispositione admirabi¬
lis commixtio. Rex Calid. Quum haec dis¬
positio hominum non fiat manibus, igitur
quaenam est res ipsa, qua perfici possit? Mo¬
rienus. Hęc autem dispositio fit, vt ait sapiens,
qui dicit, quòd Azoc & ignis Latonem abluunt
atque mundificant, & eius obscuritatem ab
eo penitus eripiunt. Nam & sapiens ait: Si re¬
ctè ignis modum disposueris, Azoch & ignis
in hac dispositione, dante Deo, tibi sufficient.